वाचकसंख्या वाढावी यासाठी सनातन प्रभातमध्ये लेख आणि सदरे छापत नाहीत, तर वाचकांची व्यष्टी आणि समष्टी साधना चांगली व्हावी, तसेच राष्ट्र आणि धर्म यांचे कार्य करण्यास त्यांना दिशा मिळावी, यांसाठी असतात.

१. सर्वसाधारण व्यक्ती : यांना आपण रहातो ती वास्तू, असे वाटते आणि तिच्यासाठी आवश्यक असल्यास ते वास्तुशुद्धी विधी करतात. २. व्यष्टी साधना करणारे : यांना शरीर, मन आणि बुद्धी ही आत्म्याची वास्तू वाटते आणि ते त्यांच्या शुद्धीसाठी प्रयत्न करतात. ३. समष्टी साधना करणारे : यांना राष्ट्र ही वास्तू वाटते आणि … Read more

ज्या नात्यात भांडणे होत नाहीत, असे एकच नाते जगात आहे आणि ते म्हणजे गुरु-शिष्य नाते.

आपल्या इच्छेने जे करतो, ते योग्य कि अयोग्य, हे आपल्याला कळत नाही; म्हणून स्वेच्छा नको, तर साधनेत पुढे गेलेल्यांच्या मार्गदर्शनानुसार, म्हणजे परेच्छेने सर्व करावे. त्यातूनच पुढे ‘ईश्‍वरेच्छा म्हणजे काय’, हे कळते आणि प्रत्येक पाऊल ईश्‍वरप्राप्तीच्या दिशेने पडते.

साधना करणारे ‘पुढचा जन्म नको साधना करून याच जन्मात मोक्षाला जाऊया’, अशी इच्छा बाळगतात, तर राष्ट्रप्रेमी आणि धर्मप्रेमी यांना ‘धर्मकार्य करण्यासाठी पुन: पुन्हा जन्म मिळावा’, असे वाटते. ही स्वेच्छा म्हटली, तरी ‘पुढचा जन्म नको’ हीदेखील स्वेच्छाच ठरते !

बर्‍याच जणांना वाटते की, भक्तीयोगात फक्त व्यष्टी साधना होते. प्रत्यक्षात तसे नसून भक्ताकडे इतर आकर्षिले जातात आणि त्याच्या मार्गदर्शनानुसार साधना करायला लागतात. त्यामुळे त्याची समष्टी साधनाही होते.

स्वभावदोष आणि अहं यांचे निर्मूलन केले, तरच कोणत्याही साधनामार्गाने साधना करून जलद प्रगती करता येते. आधीच्या युगांत स्वभावदोष आणि अहं यांचे प्रमाण अधिक नसल्यामुळे स्वभावदोष आणि अहं यांचे निर्मूलन करण्याची आवश्यकता नव्हती. ते आपोआपच नष्ट होत.