‘पद्मावत’ चित्रपटावरून कायदा आणि सुव्यवस्थेचा प्रश्‍न निर्माण न होण्यासाठी हिंदु जनजागृती समितीचे मधुकर नाझरे यांना पोलिसांकडून १४९ अन्वये नोटीस

आतंकवाद्यांना नव्हे, तर राष्ट्र-धर्म जागृतीचे कार्य करणार्‍या समितीला नोटीस बजावणार्‍या पोलिसांचा यातून हिंदुद्वेषच दिसून येत नाही का ? – संपादक, दैनिक सनातन प्रभात

कोल्हापूर : हिंदु जनजागृती समितीचे श्री. मधुकर नाझरे यांना पोलिसांनी १४९ अन्वये नोटीस बजावली आहे. या नोटिसीमध्ये नमूद करण्यात आले आहे की, वादग्रस्त ‘पद्मावत’ हा चित्रपट सर्वत्र प्रदर्शित झाला आहे. सर्वोच्च न्यायालयाच्या आदेशानुसार शहरातील विविध चित्रपटगृहांत हा चित्रपट दाखवण्यात येत आहे. या चित्रपटाला सर्वोच्च न्यायालयाने अनुमती दिली आहे. त्या आदेशाचे पालन करण्यासाठी आणि कोणताही कायदा आणि सुव्यवस्थेचा प्रश्‍न निर्माण होणार नाही, तसेच कोणत्याही सार्वजनिक ठिकाणाची हानी होणार नाही, याची दक्षता घ्यावी, अन्यथा तुम्ही आणि तुमचे समर्थक यांच्याकडून अनुचित प्रकार घडल्यास कायदेशीर कारवाई करण्यात येईल.

ही नोटीस जुना राजवाडा पोलिसांनी हिंदु जनजागृती समितीचे श्री. मधुकर नाझरे यांना २५ जानेवारीला बजावली आहे. या पोलीस ठाण्यात हद्दीत ‘उर्मिला’ चित्रपटगृह येते. त्या चित्रपटगृहात ‘पद्मावत’ हा चित्रपट दाखवण्यात येत आहे. या अनुषंगाने पोलीस निरीक्षक अनिल गुजर यांनी ही नोटीस बजावली आहे. (हिंदु जनजागृती समिती नेहमी वैध मार्गाने आंदोलन करत असतांनाही पोलिसांनी श्री. मधुकर नाझरे यांना अशी नोटीस देणे आश्‍चर्यकारक आहे. अशी नोटीस पाठवून पोलीस एकप्रकारे राष्ट्र आणि धर्म रक्षणाचे कार्य करणार्‍या समितीच्या कार्यकर्त्यांवर दबाव आणण्याचा प्रयत्न करत आहेत, असे होत नाही का ? – संपादक, दैनिक सनातन प्रभात)

संदर्भ : दैनिक सनातन प्रभात

Related Tags

इतिहासाचे विकृतीकरणचित्रपटपोलीसहिंदु जनजागृती समिती

Notice : The source URLs cited in the news/article might be only valid on the date the news/article was published. Most of them may become invalid from a day to a few months later. When a URL fails to work, you may go to the top level of the sources website and search for the news/article.

Disclaimer : The news/article published are collected from various sources and responsibility of news/article lies solely on the source itself. Hindu Janajagruti Samiti (HJS) or its website is not in anyway connected nor it is responsible for the news/article content presented here. ​Opinions expressed in this article are the authors personal opinions. Information, facts or opinions shared by the Author do not reflect the views of HJS and HJS is not responsible or liable for the same. The Author is responsible for accuracy, completeness, suitability and validity of any information in this article. ​