हिंदु राष्ट्र-स्थापनेचे उद्गाते परात्पर गुरु डॉ. जयंत आठवले यांच्या प्रेरणेतून वर्ष २०१७ मध्ये अक्षय्य तृतीयेच्या शुभमुहूर्तावर हिंदु जनजागृती समितीने सामाजिक दुष्प्रवृत्तींविरुद्ध घटनात्मक मार्गाने लढा देण्यासाठी ‘सुराज्य अभियान’ चालू केले. हिंदु राष्ट्र यावे’, अशी आपल्या प्रत्येकाची इच्छा आहे. आपल्या पूर्वजांनी इंग्रजांविरूद्ध लढा देऊन स्वातंत्र्य मिळवले, पण स्वातंत्र्य म्हणजे हिंदु राष्ट्र नाही. ‘सुराज्य’ ही एक महत्त्वाची संकल्पना आहे ! स्वराज्य आले पण सुराज्यही यायला पाहिजे ! ‘स्वराज्य, सुराज्य आणि आध्यात्मिक संकल्पनेच्या आधारावरील शासन व्यवस्था; या तिन्ही गोष्टींचा संगम म्हणजे हिंदु राष्ट्र’. आज सर्वत्र होत असलेल्या भ्रष्टाचाराविषयी सर्व जण अप्रसन्न आहेत; पण त्याविषयी काय करता येईल, हे सर्वांनाच ठाऊक नसल्यामुळे ते अडकतात आणि भ्रष्ट व्यवस्थेचा एक भाग बनतात. शासकीय आणि सामाजिक क्षेत्रांतील गैरप्रकारांविरुद्ध घटनात्मक पद्धतीने लढा देणे आणि जनजागृती करणे, तसेच सर्वसामान्य जनतेला यासाठी दिशा देणे, हा या अभियानाचा मुख्य उद्देश आहे.