हिंदु मुलींचे बलपूर्वक धर्मांतर आणि विवाह झालेला नाही ! – इस्लामाबाद उच्च न्यायालय

पाकमध्ये २ अल्पवयीन मुलींचे अपहरण करून बलपूर्वक धर्मांतर केल्याचे प्रकरण

पाक सरकार, प्रशासन आणि आता न्यायालय यांवरही विश्‍वास ठेवता येणार नाही, हेच यातून स्पष्ट होते ! जगभरातील हिंदूंच्या रक्षणासाठी भारतात हिंदु राष्ट्राच्या स्थापनेला पर्याय नाही !

इस्लामाबाद : सिंध प्रांतातील २ हिंदु मुलींचे बलपूर्वक धर्मांतर आणि विवाह झालेला नाही, असे मत इस्लामाबाद उच्च न्यायालयाने व्यक्त केले. पाकच्या सिंध प्रांतातील घोटकी जिल्ह्यात २ अल्पवयीन हिंदु मुलींचे अपहरण करून त्यांचे धर्मांतर करण्यात आले होते. त्यानंतर या मुलींचा मुसलमान पुरुषांशी बलपूर्वक विवाह लावण्याच्या प्रकरणी इस्लामाबाद उच्च न्यायालयाने या मुलींना पतींसमवेत रहाण्याची अनुमती दिली. या बहिणी असणार्‍या मुलींनी त्यांना पतींसमवेत रहाण्याचीच इच्छा व्यक्त करणारी याचिका प्रविष्ट केली होती. त्यावर उच्च न्यायालयाने हा निकाल दिला. दोन्ही बहिणींचा बलपूर्वक धर्मांतर आणि विवाह झाला नसल्याचे न्यायालयाने मान्य केले.

पाकच्या ‘डॉन’ वृत्तपत्राच्या वृत्तानुसार, या प्रकरणातील चौकशी आयोगाने अहवाल सादर केला. या दोघींचा वैद्यकीय अहवाल आला असून त्यात दोघीही सज्ञान असल्याचे नमूद करण्यात आले आहे. भारताने दोन्ही बहिणी सज्ञान नसल्याचा हवाला देत विवाहास विरोध दर्शवला होता. त्यानंतर पाकच्या सरकारने प्रकरणाची चौकशी करण्याचा आदेश दिला होता.

संदर्भ : दैनिक सनातन प्रभात

Related Tags

अंतरराष्ट्रीयहिंदूंचे धर्मांतरणहिंदूंच्या समस्याहिंदूंवरील अत्याचार

Notice : The source URLs cited in the news/article might be only valid on the date the news/article was published. Most of them may become invalid from a day to a few months later. When a URL fails to work, you may go to the top level of the sources website and search for the news/article.

Disclaimer : The news/article published are collected from various sources and responsibility of news/article lies solely on the source itself. Hindu Janajagruti Samiti (HJS) or its website is not in anyway connected nor it is responsible for the news/article content presented here. ​Opinions expressed in this article are the authors personal opinions. Information, facts or opinions shared by the Author do not reflect the views of HJS and HJS is not responsible or liable for the same. The Author is responsible for accuracy, completeness, suitability and validity of any information in this article. ​