-
हिंदू जनजागृती समितीच्या प्रयत्नांना मोठे यश!
-
हिंदू धर्म आणि प्रभू श्रीराम यांच्याबद्दल कथित आक्षेपार्ह विधानांमुळे समितीने पोलीस आयुक्तांकडे हा कार्यक्रम थांबवण्याची मागणी केली होती
बेंगळुरू: बेंगळुरू येथील चर्च स्ट्रीटवर असलेल्या ‘द कॉमेडी थिएटर’मध्ये १५ ऑगस्ट २०२६ रोजी प्रस्तावित असलेल्या स्टँड-अप कॉमेडी कार्यक्रमावर हिंदू जनजागृती समितीने आक्षेप घेतला होता. समितीने या कार्यक्रमाच्या संदर्भात बेंगळुरूच्या पोलीस आयुक्तांना लेखी निवेदन देऊन याला परवानगी न देण्याची मागणी केली होती.
या कार्यक्रमात सादरीकरण करणारा नसिफ अख्तर याने त्याच्या पूर्वीच्या ‘कॉमेडी शो’मध्ये हिंदू धर्म आणि प्रभू श्रीराम यांच्याबद्दल कथित आक्षेपार्ह टिप्पण्या केल्या होत्या. अशा कार्यक्रमामुळे धार्मिक भावना दुखावण्याची तसेच सार्वजनिक आणि सामाजिक सलोखा बिघडण्याची परिस्थिती निर्माण होऊ शकते, अशी भीती समितीने व्यक्त केली होती.
@HinduJagrutiOrg submitted a representation to the @CPBlr , urging the cancellation of the comedy show scheduled on August 15 at Church Street by Nasif Akhtar, who has previously insulted Lord Shri Ram and Hindu Dharma through derogatory jokes.@cubbonparkps @DCPCentralBCP https://t.co/kfVUqfFevf pic.twitter.com/Wapws3sQbq
— 🚩Mohan Gowda🇮🇳 (@Mohan_HJS) August 11, 2026
निवेदनात समितीने पोलीस प्रशासनाला विनंती केली होती की, सार्वजनिक व्यवस्था, धार्मिक सलोखा आणि सामाजिक शांतता लक्षात घेता या प्रस्तावित कार्यक्रमाला परवानगी देण्यात येऊ नये.
हिंदू जनजागृती समिती, कर्नाटक यांच्या वतीने देण्यात आलेल्या निवेदनात कार्यक्रमाची तारीख, ठिकाण आणि पूर्वीच्या वादांशी संबंधित माहिती देखील पोलीस प्रशासनासमोर मांडण्यात आली होती.
समितीने पोलीस प्रशासनाकडे हा विषय मांडल्यानंतर, १५ ऑगस्ट रोजी चर्च स्ट्रीट, बेंगळुरू येथे प्रस्तावित असलेला नसिफ अख्तरचा कॉमेडी शो रद्द करण्यात आला. धार्मिक भावना आणि सामाजिक सलोख्याच्या रक्षणासाठी हिंदूंनी केलेल्या घटनात्मक आणि लोकशाही मार्गावरील प्रयत्नांचे हे यश आहे.
