यवतमाळ : येथे ‘व्हॅलेंटाईन डे’च्या निमित्ताने होणारे अपप्रकार रोखण्यासाठी पोलीस-प्रशासनास निवेदन देण्यात आले. जिल्हा पोलीस अधीक्षक कार्यालयातील पोलीस निरीक्षक प्रदीप सिरस्कार यांना निवेदन दिल्यावर त्यांनी ‘जिल्ह्यातील सर्व पोलीस ठाण्यांना, तसेच महाविद्यालयीन परिसरात गस्त वाढवण्यासाठी सूचना देऊ’, असा सकारात्मक प्रतिसाद दिला.
जिल्हाधिकारी कार्यालयातील तहसीलदार चंद्रशेखर कुंभलकर यांनाही निवेदन देण्यात आले. निवेदन देतांना योग वेदांत सेवा समितीचे श्री. विनोद कातरकर, हिंदु जनजागृती समितीचे सर्वश्री प्रशांत सोळंके, दत्ता फोकमारे, महिला उत्थान मंडळाच्या सौ. नीताताई मुंदाफळे, सौ. विभा पिसाळकर, सौ. दीपा वैद्य, सौ. मंदाताई उके आदी उपस्थित होते.
