मोगादिशू : सोमालियाची राजधानी मोगादिशू रविवारी दहशतवादी हल्ल्यांनी हादरली. राजधानीमध्ये एकापाठोपाठ झालेल्या दोन शक्तिशाली स्फोटांमध्ये तब्बल २३१ जणांचा मृत्यू झाला आहे, तर २७५ पेक्षा जास्त लोक जखमी झाले आहेत. जखमींमधील अनेकांची प्रकृती चिंताजनक असल्याने मृतांचा आकडा आणखी वाढण्याची भीती आहे. जखमींना उपचारासाठी रुग्णालयात दाखल करण्यात आले आहे. रुग्णालयामध्ये रक्ताची कमतरता निर्माण झाल्याने डॉक्टरांनी रक्तदान करण्याचे आवाहन केले आहे.
राजधानीमधील के-५ इंटरसेक्शन भागात असणाऱ्या एका हॉटेलबाहेर उभ्या असणाऱ्या कारमध्ये हा शक्तिशाली स्फोट झाला आहे. या भागात अनेक सरकारी कार्यालय, रेस्टॉरंट, टेलिफोन सेवा आणि अन्य महत्त्वाच्या इमारती आहेत. स्फोट झाला तेव्हा या भागात लोकांची मोठी गर्दी होती. त्यामुळे इतक्या मोठ्या प्रमाणात हानी झाल्याचे पोलिसांनी सांगितले. स्फोटानंतर अनेक वाहनांमध्ये आग लागल्याने काही नागरिकांचा मृत्यू झाला. या स्फोटानंतर दोन तासानंतर मेदिना जिल्ह्यामध्येही एक बॉम्बस्फोट झाल्याचे पोलिसांनी सांगितले. २००७ नंतर झालेला हा सर्वात भीषण हल्ला असल्याचे अधिकाऱ्यांनी म्हटले आहे.
स्फोटाप्रकरणी पोलिसांनी दिलेल्या माहितीनुसार, या घटनेमध्ये आतापर्यंत २३१ लोकांचा मृत्यू झाला आहे. या हल्ल्याची जबाबदारी अद्यापही कोणत्याही दहशतवादी संघटनेने स्वीकारलेली नाही, मात्र अलकायदा या दहशतवादी संघटनेसोबत जोडलेल्या अल-शबाब या दहशतवादी संघटनेचे हे कृत्य असावे असा संशय कॅप्टन मोहम्मद हुसैन यांनी व्यक्त केला आहे.
दरम्यान, दहशतवादी हल्ल्यानंतर राष्ट्रपती मोहम्मद अब्दुल्लाह मोहम्मद यांनी तीन दिवसांचा राष्ट्रीय दुखवटा जाहीर केला आहे.
संदर्भ : सामना
हिंदूंमधील शौर्य वाढण्यासाठी व रामराज्याच्या कार्यासाठी बळ मिळण्यासाठी देशभरात ७५७ ठिकाणी सामूहिक गदापूजन
पाकिस्तानमध्ये वर्ष १९४७ पासून बंद असलेले हिंदु मंदिर व्यापारी संकुलासाठी पाडले
शिरपूर (जिल्हा जळगाव) येथे मुसलमान तरुणीकडून ३ हिंदु तरुणींचे वशीकरण करण्याचा प्रयत्न फसला
हिंदु मंदिरांवरील आक्रमणाच्या निषेधाचा अमेरिकी संसदेत ठराव
पुणे विद्यापिठाकडून ‘शिवाजी अंडरग्राऊंड इन भीमनगर मोहल्ला’ या नाटकाचा प्रयोग रहित !
नेपाळमध्ये राजेशाही आणि हिंदु राष्ट्र यांच्या पुनर्स्थापनेसाठी आंदोलन !