‘गोकुळ’ दूध उत्पादन संघाच्या विविध उत्पादनांना ‘हलाल’ प्रमाणपत्र !

‘गोकुळ’चे ‘हलाल प्रमाणपत्र’ तत्काळ रद्द करा; कोल्हापुरात हिंदुत्ववादी संघटना आक्रमक

कोल्हापूर – महाराष्ट्राची ओळख असलेल्या ‘गोकुळ’ (कोल्हापूर जिल्हा सहकारी दूध उत्पादक संघ) दूध संघाने धर्माधारित ‘हलाल’ प्रमाणपत्र घेतल्याचा संतापजनक प्रकार उघडकीस आला आहे. हे हलाल प्रमाणपत्र तत्काळ रद्द न केल्यास उत्पादनांवर बहिष्कार घालण्यासह तीव्र जनआंदोलन छेडण्यात येईल. तसेच वेळ पडली, तर थेट ‘गोकुळ’वर भव्य मोर्चा काढण्याचा इशारा हिंदु जनजागृती समिती आणि हिंदुत्वनिष्ठ संघटनांनी दिला आहे. या मागणीचे सविस्तर निवेदन संघटनांच्या प्रतिनिधींनी गोकुळचे प्रशासकीय मंडळाला, तसेच कोल्हापुरचे जिल्हाधिकारी डॉ. विजय राठोड आणि जनसुराज्य शक्ती पक्षाचे आमदार श्री. अशोक माने यांना दिले. एका धर्मनिरपेक्ष देशात शासकीय प्रमाणपत्रांना डावलून घेतलेल्या या निर्णयामुळे बहुसंख्य हिंदू ग्राहकांच्या भावना दुखावल्या गेल्या असून प्रशासनाने याची तातडीने दखल घेऊन हे प्रमाणपत्र रहित करावे, अशी आग्रही मागणी या वेळी करण्यात आली. या वेळी कार्यकत्यांनी गोकुळच्या हलाल प्रमाणपत्राची प्रत जाळली.

आखाती देशांमध्ये उत्पादने निर्यात करण्यासाठी या प्रमाणपत्राची सक्ती असल्याचे कारण गोकुळ प्रशासनाकडून दिले जात असले, तरी हा अट्टाहास पूर्णतः अनाकलनीय आहे. देशांतर्गत आणि राज्यातच गोकुळच्या दुधाला मोठी मागणी असतांना अद्याप संपूर्ण भारतात दूध पोहोचले नसताना केवळ मुस्लिम देशांनाच उत्पादने विकण्याची घाई का केली जात आहे? असा सवाल उपस्थित होत आहे. सर्वांत महत्त्वाचे म्हणजे भारत सरकारचे ‘भारतीय अन्न सुरक्षा आणि मानके प्राधिकरण’ (FSSAI) तसेच ‘अन्न व औषध प्रशासन’ (FDA) यांसारख्या अधिकृत शासकीय संस्था अस्तित्वात असताना वेगळ्या धर्माधारित प्रमाणपत्राची आवश्यकताच काय? हा देशाच्या धर्मनिरपेक्ष राज्यघटनेचा आणि शासकीय संस्थांचा अवमान आहे. हलाल प्रमाणपत्र हे बेकायदेशीर असल्यामुळे उत्तर प्रदेशात त्यावर बंदी घातलेली आहे.

हलाल प्रमाणपत्राच्या माध्यमातून देशात एक अत्यंत घातक आणि समांतर अर्थव्यवस्था उभी केली जात आहे, हे प्रमाणपत्र देणारी ‘जमियत उलेमा हिंद’ ही संस्था यातून मिळणाऱ्या पैशांचा वापर जिहादी आतंकवाद्यांचे खटले लढण्यासाठी करते. त्यामुळे गोकुळचे दूध पिणाऱ्या हिंदू ग्राहकांचा कष्टाचा पैसा अप्रत्यक्षरीत्या देशविघातक कारवायांसाठी आणि आतंकवाद्यांच्या सुटकेसाठी वापरला जाणार का? जर हे दूध ‘हलाल’ प्रमाणित असेल, तर त्यासाठी बहुसंख्य हिंदूंनी आपला पैसा का मोजावा? या राष्ट्रीय धोक्याची गांभीर्याने दखल घेत हे प्रमाणपत्र तत्काळ रद्द करावे आणि ज्या तत्कालीन अध्यक्ष व संचालक मंडळाच्या काळात हा निर्णय झाला त्यांची सखोल चौकशी करावी, अशी मागणी निवेदनातून करण्यात आली आहे.

या वेळी गोकुळच्या प्रशासकांनी या संपूर्ण प्रकरणावर प्रशासकीय मंडळाच्या आगामी बैठकीत सविस्तर चर्चा करून योग्य निर्णय घेण्याचे आश्वासन शिष्टमंडळाला दिले आहे. या गंभीर विषयावर प्रशासनाला जाब विचारण्यासाठी कोल्हापुरातील विविध संघटनांचे पदाधिकारी मोठ्या संख्येने एकत्र आले होते. या वेळी हिंदु जनजागृती समितीचे श्री. शिवानंद स्वामी, महाराजा प्रतिष्ठानचे श्री. निरंजन शिंदे, शिवसेनेचे (ठाकरे गट) श्री. राजू यादव, हिंदू एकता आंदोलनाचे श्री. गजानन तोडकर यांच्यासह बजरंग दल, मंदिर महासंघ, मराठा तितुका मेळवावा, हिंदु महासभा, मानवाधिकार संघटना, पॉझिटिव्ह वॉच आणि हिंदू विधीज्ञ परिषदेचे अनेक प्रमुख पदाधिकारी आणि कार्यकर्ते उपस्थित होते.

आखाती देशांमध्ये विकण्यात येणारी हलाल प्रमाणित उत्पादने भारतात का विकली जात आहेत ? याचे उत्तर मुश्रीफ यांनी दिले पाहिजे ! – संपादक, हिंदू जनजागृती समिती 

कोल्हापूर – पश्चिम महाराष्ट्रातील प्रसिद्ध ‘कोल्हापूर जिल्हा सहकारी दूध उत्पादक संघ’ म्हणजेच ‘गोकुळ’च्या काही उत्पादनांनी ‘हलाल’ प्रमाणपत्र घेतल्याचे समोर आले आहे. गोकुळच्या तूप, लोणी आणि दूध पावडर या उत्पादनांसाठी हे प्रमाणपत्र घेण्यात आले आहे.

या संदर्भात सामाजिक माध्यमांवर प्रमाणपत्राची एक प्रत प्रसारित झाली असून त्यात १९ मार्च २०२५ या दिवशी हे प्रमाणपत्र दिल्याचा दिनांक दिसत आहे आणि हे १८ मार्च २०२८ पर्यंत ग्राह्य असल्याचा दिनांक दिसत आहे. या संदर्भात सर्वसामान्य हिंदु ग्राहक आणि हिंदुत्वनिष्ठ संघटना यांकडून तीव्र संताप व्यक्त केला जात आहे.

Gokul Milk Union’s products including ghee, butter, and milk powder have reportedly received Halal certification, leading to fresh discussions on social media and in political circles. After the information became public, many people started raising questions and sharing… pic.twitter.com/5jUq9JlAWa

— Pune Mirror (@ThePuneMirror) May 28, 2026

आखाती देशांत निर्यात करण्यासाठी प्रमाणपत्र ! – वैद्यकीय शिक्षणमंत्री हसन मुश्रीफ

या संदर्भात पत्रकारांनी विचारलेल्या प्रश्नाला उत्तर देतांना वैद्यकीय शिक्षणमंत्री हसन मुश्रीफ म्हणाले, ‘‘हे प्रमाणपत्र वर्ष २०२२ मध्येच घेण्यात आले आहे. आंतरराष्ट्रीय व्यापारासाठी आवश्यक असलेले ते एक तांत्रिक आणि गुणवत्ता मानक आहे.

गोकुळचे तूप, लोणी, दूध पावडर मोठ्या प्रमाणात सौदी अरेबिया, संयुक्त अरब अमिरात, कतार, तुर्कीये, जॉर्डन, सीरिया या आखाती देशांमध्ये विकले जाते. या देशांच्या व्यापार नियमानुसार ‘हलाल प्रमाणपत्र’ असल्याविना तिथे अन्नपदार्थ विक्रीस अनुमती मिळत नाही, त्यामुळे हे प्रमाणपत्र घेण्यात आले आहे.’’ 

‘शुद्ध शाकाहारी असलेल्या दूग्धजन्य उत्पादनांना हलाल प्रमाणपत्राची आवश्यकता काय ?’ असा प्रश्न सामाजिक माध्यमांवर विचारला जात आहे. वैद्यकीय शिक्षणमंत्री हसन मुश्रीफ यांचा मुलगा नावेद मुश्रीफ हे ‘गोकुळ’चे अध्यक्ष असतांना हा निर्णय घेतल्याचा आरोप विरोधकांकडून केला जात आहे. 

मुळात भारत सरकारच्या अधिकृत ‘भारतीय अन्न सुरक्षा आणि मानके प्राधिकरण’ आणि ‘अन्न व औषध प्रशासन’ या संस्था उत्पादनांचे प्रमाणीकरण करत असतांना वेगळ्या ‘हलाल प्रमाणीकरणा’ची आवश्यकता काय ? यातून मिळालेल्या पैशांचा वापर आतंकवाद्यांना कायदेशीर साहाय्य देण्यासाठी केला जात आहे. तसेच विविध ठिकाणी खर्च होणारा पैसा हा केवळ मुसलमान अथवा इस्लामी देशांना मिळावा, हा यामागचा एक उद्देश आहे. त्यामुळे ‘गोकुळ’सारख्या बहुसंख्य हिंदूंच्या दूध उत्पादक शेतकरी संघाने हे प्रमाणपत्र घेता कामा नये, असेच हिंदूंना वाटते ! – संपादक, हिंदू जनजागृती समिती