Menu Close

शंखवाळ (सांकवाळ) येथील पुरातन श्री विजयादुर्गादेवीच्या मंदिराची भूमी बळकावण्याचा चर्च संस्थेचा सुनियोजित प्रयत्न !

शंखवाळ (सांकवाळ) येथील वारसा स्थळी ख्रिस्त्यांकडून शव आणून प्रार्थना करण्याचा प्रकार !

डावीकडे मंदिराचे अस्तित्वात असलेले प्रवेशद्वार आणि उजवीकडे ख्रिस्त्यांनी केलेले अतिक्रमण !

पणजी : शंखवाळ (सांकवाळ) येथील पुरातन श्री विजयादुर्गादेवीच्या मंदिराची भूमी बळकावण्याचा चर्च संस्थेचा सुनियोजित प्रयत्न आजही चालूच आहे. शंखवाळ (सांकवाळ) येथील वारसा स्थळी ख्रिस्त्यांनी नुकतेच एक शव आणून त्या ठिकाणी प्रार्थना केल्या. या ठिकाणी प्रथमच असा प्रकार घडला आहे. वारसा स्थळी कोणतीही कृती करण्यास अनुमती नाही, तरीही अशा घटनांकडे सरकार आणि प्रशासन कानाडोळा करत असल्याच्या तक्रारी आहेत. विशेष म्हणजे राज्यात लोकसभा निवडणुकीची आचारसंहिता लागू असतांना कायदा आणि सुव्यवस्था बिघडू शकेल, अशा कृती केल्या जात आहेत.

वारसा स्थळी अनधिकृतपणे उभारण्यात आलेल्या ‘कॅपेल’वर (लहान चर्चवर) हल्लीच एक ध्वनीक्षेपक लावण्यात आला आहे. ध्वनीक्षेपकाची दिशाही जवळच्या गोशाळेच्या दिशेने करण्यात आली आहे.

वारसा स्थळी शव आणून प्रार्थना करण्याचा प्रकार निषेधार्ह ! – नितीन फळदेसाई, आंतरराष्ट्रीय बजरंग दल

पणजी : लोकसभा निवडणुकीच्या पार्श्वभूमीवर श्री विजयादुर्गादेवीचे मंदिर असलेल्या ठिकाणी (वारसा स्थळी) अतिक्रमण करण्याचे प्रकार चालूच आहेत. वारसा स्थळी शव आणून प्रार्थना करण्याचा प्रकार पूर्णपणे निषेधार्ह आहे. हा प्रकार रोखण्याचे दायित्व सरकारचे नाही का ? वारसा स्थळी चाललेल्या अनधिकृत कृत्यांविषयी गोवा सरकारच्या पुरातत्व खात्याकडे अनेक वेळा रितसर आणि आवश्यक कागदपत्रांसह तक्रारी नोंदवूनही या तक्रारींची नोंद घेतली जात नाही.

आता सरकारमधील मंत्री निवडणुकीच्या प्रचाराच्या धामधुमीत व्यस्त आहेत. आम्ही न्याय कुणाकडे मागायचा, हे कोण सांगेल का ? असा प्रश्न ‘आंतरराष्ट्रीय बजरंग दला’चे गोवा विभाग प्रमुख नितीन फळदेसाई यांनी एका प्रसिद्धीपत्रकाद्वारे केला आहे.


(सौजन्य : Global Astrovastu)

शंखवाळ (सांकवाळ) येथील पुरातन श्री विजयादुर्गादेवीच्या मंदिराची पार्श्वभूमी

सांकवाळ तीर्थक्षेत्रावरील पुरातन श्री विजयादुर्गा माता

शंखवाळ (सांकवाळ) येथे पूर्वी श्री विजयादुर्गादेवीचे मंदिर होते. वर्ष १५०६ मध्ये पोर्तुगिजांनी हे मंदिर पाडले. सध्या तेथे केवळ मंदिराचे प्रवेशद्वार अस्तित्वात आहे. पोर्तुगिजांनी या भूमीच्या ठिकाणी असलेल्या प्रवेशद्वाराला ‘फ्रंटीस पीस ऑफ सांकवाळ (शंखवाळ गावचे प्रवेशद्वार) असे नामकरण केले. मंदिराच्या ठिकाणी वडाचे झाड होते, तसेच या ठिकाणी काही वर्षांपूर्वी भूमीच्या उत्खननाच्या वेळी मंदिराचे दगड आणि श्री विजयादुर्गादेवीची मूर्ती सापडली होती. गेल्या वर्षीही या परिसरात श्री विजयादुर्गादेवीची मूर्ती सापडली होती. वर्ष १९८३ मध्ये गोवा सरकारच्या पुरातत्व खात्याने सर्वेक्षण क्रमांक २६६/२ मध्ये असलेले हे स्थळ ‘वारसा स्थळ’ म्हणून घोषित केले. यानंतर चर्च संस्थेने सुनियोजितपणे मंदिराची ही भूमी बळकावण्यास प्रारंभ केला.

Related News

Notice : The source URLs cited in the news/article might be only valid on the date the news/article was published. Most of them may become invalid from a day to a few months later. When a URL fails to work, you may go to the top level of the sources website and search for the news/article.

Disclaimer : The news/article published are collected from various sources and responsibility of news/article lies solely on the source itself. Hindu Janajagruti Samiti (HJS) or its website is not in anyway connected nor it is responsible for the news/article content presented here.​Opinions expressed in this article are the authors personal opinions. Information, facts or opinions shared by the Author do not reflect the views of HJS and HJS is not responsible or liable for the same. The Author is responsible for accuracy, completeness, suitability and validity of any information in this article.

Please enter followup

Your email address will not be published. Required fields are marked *