विशाळगडावरील अतिक्रमण न हटवल्यास मनसे पद्धतीने काढून टाकू – युवराज काटकर, मनसे जिल्हाउपाध्यक्ष

महाराष्ट्र नवनिर्माण सेनेचे पुरातत्व विभागाच्या निषेधार्थ आंदोलन !

मलकापूर (जिल्हा कोल्हापूर), २ सप्टेंबर (वार्ता.) – इतिहासाचा साक्षीदार असलेल्या विशाळगड येथील अतिक्रमण हटवण्यास पुरातत्व विभागाकडून विलंब होत असून विशाळगडावरील अतिक्रमण न हटवल्यास मनसे पद्धतीने काढून टाकू, अशी चेतावणी महाराष्ट्र नवनिर्माण सेनेचे जिल्हा उपाध्यक्ष श्री. युवराज काटकर यांनी दिली. श्री. युवराज काटकर यांच्या नेतृत्वाखाली येथील विठ्ठल मंदिरशेजारी कोल्हापूर-रत्नागिरी महामार्गावर आंदोलन करण्यात आले. त्या प्रसंगी त्यांनी ही चेतावणी दिली. या वेळी पुरातत्व विभागाचे श्राद्ध घालण्यात आले. मनसे शाहूवाडी तालुकाध्यक्ष धनाजी आगलावे यांनी मुंडण केले. या वेळी पोलिसांना निवेदन देण्यात आले.

मनसेच्या वतीने सिद्ध करण्यात आलेला वैशिष्ट्यपूर्ण फलक
विठ्ठल मंदिरशेजारी कोल्हापूर-रत्नागिरी महामार्गावर आंदोलन करणारे मनसेचे कार्यकर्ते आणि हिंदुत्वनिष्ठ

या आंदोलनासाठी मनसे शाहूवाडी विभागप्रमुख श्री. प्रदीप वीर, राष्ट्रीय स्वयंसेवक संघाचे श्री. महेश विभूते, सर्वश्री शिवाजी फिरके, कुणाल काळे, संजय पाटील, जयसिंग पाटील, अधिवक्ता रोहित जांभळे यांसह एकूण १०० हून अधिक हिंदुत्वनिष्ठ उपस्थित होते.

पोलीस निरीक्षक विजय पाटील यांना निवेदन देतांना श्री. युवराज काटकर (गळ्यात मनसेची पट्टी), तसेच आंदोलनकर्ते

पुरातत्व विभाग कागदोपत्री घोडे नाचवण्याच्या पलीकडे काही करत नाही ! – बाबासाहेब भोपळे, विशाळगड रक्षण आणि अतिक्रमणविरोधी कृती समिती

या प्रसंगी विशाळगड रक्षण आणि अतिक्रमणविरोधी कृती समितीचे श्री. बाबासाहेब भोपळे म्हणाले, ‘‘विशाळगड रक्षण आणि अतिक्रमणविरोधी कृती समितीने विशाळगडावर झालेले अतिक्रमण आणि मंदिरे, समाध्या यांची दुरवस्था या संदर्भात गेल्या वर्षभरापासून आंदोलन चालू केले आहे. या आंदोलनाच्या रेट्यामुळे आणि कोल्हापूरचे जिल्हाधिकारी यांनी घेतलेल्या ठोस भूमिकेमुळे पुरातत्व विभागाने गडावर असलेल्या अतिक्रमणधारकांना नोटिसा दिल्या; मात्र या नोटिसांवर पुढे कोणतीच कृती झालेली नाही. या संदर्भात पुरातत्व विभागाचीही भूमिका ‘नरो वा कुंजरोवा’, अशी आहे. केवळ कागदोपत्री घोडे नाचवण्याच्या पलीकडे काहीच कृती होत नाही, असे दिसून येत आहे.’’

स्रोत: दैनिक सनातन प्रभात

Notice : The source URLs cited in the news/article might be only valid on the date the news/article was published. Most of them may become invalid from a day to a few months later. When a URL fails to work, you may go to the top level of the sources website and search for the news/article.

Disclaimer : The news/article published are collected from various sources and responsibility of news/article lies solely on the source itself. Hindu Janajagruti Samiti (HJS) or its website is not in anyway connected nor it is responsible for the news/article content presented here. ​Opinions expressed in this article are the authors personal opinions. Information, facts or opinions shared by the Author do not reflect the views of HJS and HJS is not responsible or liable for the same. The Author is responsible for accuracy, completeness, suitability and validity of any information in this article. ​