ज्या नात्यात भांडणे होत नाहीत, असे एकच नाते जगात आहे आणि ते म्हणजे गुरु-शिष्य नाते.

आरक्षणाची मागणी करणार्‍यांनो, हे लक्षात घ्या ! ‘छ. शिवाजी महाराज, पेशवे, राणी लक्ष्मीबाई इत्यादी आरक्षणाने नव्हे, तर स्वकर्तृत्वाने मोठे झाले होते.’

व्यक्तीची प्रकृती वात, पित्त कि कफ प्रधान आहे, तिचे प्रारब्ध काय आहे, हे ज्ञात नसणारी पाश्‍चात्त्य वैद्यकीय प्रणाली कधी परिपूर्ण उपाय करू शकेल का ?

आपल्या इच्छेने जे करतो, ते योग्य कि अयोग्य, हे आपल्याला कळत नाही; म्हणून स्वेच्छा नको, तर साधनेत पुढे गेलेल्यांच्या मार्गदर्शनानुसार, म्हणजे परेच्छेने सर्व करावे. त्यातूनच पुढे ‘ईश्‍वरेच्छा म्हणजे काय’, हे कळते आणि प्रत्येक पाऊल ईश्‍वरप्राप्तीच्या दिशेने पडते.

साधना करणारे ‘पुढचा जन्म नको साधना करून याच जन्मात मोक्षाला जाऊया’, अशी इच्छा बाळगतात, तर राष्ट्रप्रेमी आणि धर्मप्रेमी यांना ‘धर्मकार्य करण्यासाठी पुन: पुन्हा जन्म मिळावा’, असे वाटते. ही स्वेच्छा म्हटली, तरी ‘पुढचा जन्म नको’ हीदेखील स्वेच्छाच ठरते !

एका अब्जाधिशाच्या मुलाने त्याची सर्व संपत्ती उधळून टाकावी, तशी हिंदूंच्या मागच्या पिढ्यांनी सर्व धर्मसंपत्ती मातीमोल केली आहे !

बर्‍याच जणांना वाटते की, भक्तीयोगात फक्त व्यष्टी साधना होते. प्रत्यक्षात तसे नसून भक्ताकडे इतर आकर्षिले जातात आणि त्याच्या मार्गदर्शनानुसार साधना करायला लागतात. त्यामुळे त्याची समष्टी साधनाही होते.